உளறல்கள் – 21/05/2007.

 விஜய் டீவி vs சன் டீவி.

யூடியூப்ல பாட்டு ரெக்கார்ட் பண்ணுவதற்காக இப்போதெல்லாம் அடிக்கடி டீவி பாக்க வேண்டியதாயிருக்கு. பெரும்பாலும் விஜய் அண்டு சன்கிறதால கம்பேரிசன். விஜய் டீவியில தற்பெருமை தாங்கமுடியாது. தன்னோட நிகழ்ச்சிகளையே விளம்பரப்படுத்தி பாக்குறவுங்களை படுத்திருவாங்க. சன் ஓகே, அடிக்கடி பெண்கள் உள்ள விளம்பரங்களை போடுறாங்க.

அஞ்சலி, அரசி, கோலங்கள், ஆனந்தம்க்கெல்லாம் வச்சுது ஆப்பு, விஜய்யின் “8.30க்கு என்ன பாக்கலாம்“. க்ளாஸ் குறு நாடகங்கள். மொத்தம் 5 எபிசோட்னு நெனக்கிறேன். இது வரைக்கும் ரெண்டு வாரமா பாக்குறேன். சன் டீவி சீரியல் டைரக்டர்ஸ் எல்லாம் அதப்பாத்து தூக்கு போட்டுக்கலாம். நாடகம் முடிஞ்ச பிறகு வர்ற சுகாசினியின் பிரச்சார வசனம் ஓக்கே. சுத்தமான தமிழ்ல பேசுவதால அவரது அலம்பல் மேக்கப்பை மறந்து ரசிக்க முடியுது.

அன்புடன்நடத்தும் கவுதமி கொஞ்சம் வாயில இருக்கறத துப்பிட்டு பேசலாம். ஏதோ வாயில வச்சுக்கிட்டே பேசுற மாதிரியே இருக்கு. காபி வித் அனு, அஸ் யூஷுவல் பெஸ்ட். பேட்டிக்கு வர்ரவுங்களையும் பொருத்து இருக்கு. சோபனா அண்டு பழனிவேல் நிகழ்ச்சி ஒரு எளவும் புரியல. ஆனா கங்கை அமரன் & எஸ்.பி.பி சூப்பர். கவுதமியால அவுங்களையேல்லாம் ஹேண்டில் பண்ணவே முடியாது. அனு ஹாசன் சிரிச்சி அவுங்ககிட்ட பேசுறதே கலக்கல்.

விஜய் டீவி கலக்க போறது யாரு கோஷ்டி தான் சன்ல போயி அசத்தப் போவது யாருன்னு பண்ணுதுங்க. அதுங்க சன் டீவிக்கு போடுற சிங்குசா இருக்கே, தாங்க முடியாது. விஜய் டீவிக்காரய்ங்க சம்பளமே குடுக்கல போல்ருக்கு. எல்லாரும், வாழ வைத்த சன் டீவி வாழ்கனு சொல்லிட்டு தான் நிகழ்ச்சிய ஆரம்பிக்கிறாங்க. ரெண்டுமே ஒரே மாதிரி தான் இருக்கு. ஆனா சன்ல மதுரை முத்துஇருக்கறதால, அத மட்டும் ஸ்பெஷலாப் பாப்பேன்.

கண்ணுல வெளக்கெண்ணய்.

யூடியூப்பிற்காக வீடியோ ரென்டர் பண்ணும் போது ப்ரேம் பை ப்ரேம் பாட்டேல்லாம் உக்காந்து பாப்பேன். அப்ப கண்டுபுடுச்ச நோபல் பரிசுக்கான சங்கதிகள்

  • ஹீரோயின்ஸ் ஏன் பெரும்பாலும் செருப்பே போட மாட்டேங்குறாங்க ? கல்லு, மண்ணு, காடு, மலை எந்த இடமானாலும் செருப்பே கெடையாது. காலு வலிக்காதா ? பனிப் பிரதேசம் இல்லை வெளிநாடுன்னா செருப்பு போட்டுக்குறாங்க. ஆனாலும், இத்தனூண்டு ட்ரேஸ் தான். ஹீரோ மட்டும் கலர் கலரா ஜெர்கின் போட்டுக்கலாம்.

  • 80ஸ் பாட்டுகள்ல இந்த கொடுமையப் பாக்கலாம். பாட்டுக்கு நடுவுல ஹீரோயின் ட்ரெஸ் மாத்தலாம் அது ஓக்கே, ஆனா ஏன்யா ஹேர் ஸ்டைலை மாத்துறீங்க. ஒரு ஷாட்ல நீளமான கூந்தல், பத்து செகண்டுக்கப்பறம் பாப் கட்டிங், அப்புறம் மீண்டும் நீளமான கூந்தல். என்ன கொடுமையிது.

  • டீவி சீரியல் இன்ட்ரோ பாட்டுக்கு ஆடுறவுங்க எல்லோரும் ஒரு காலத்துல கூட்டத்தோட கூட்டமா ஆடுனவுங்க தான்.

  • ஒரு நண்பிக்கு கூட்டத்துல தாமிரபரணிஹீரோயினப் பாத்திருக்கேன். அப்புறம் காதல்சந்தியா ஒரு படத்துல குட்டி முருகனா வந்திருக்காங்க.

  • காளிபடத்துல அடி ஆடு பூங்கொடியேவுல வர்றது பாடகி அனுராதா ஸ்ரீராம்னு நெனைக்கறேன். சந்தேகம் இருந்தா கீழே உள்ள படத்தப் பாருங்க.

anu_01.jpg 

anu_02.jpg

மற்றது

  • ஒரு வழியா பெடரர் நடாலுக்கு ஆப்பு வச்சிட்டார். 2-6, 6-2, 6-0. 81ரு வெற்றிக்கப்பரம் ஒரு வழியா நடால் தோத்துட்டார்.

  • பில் கேட்ஸின் மைக்ரோசாப்ட் நிறுவனம், ஓப்பன் சோர்ஸ் மின் பொருட்கள் மேலே patent litigation போடுவதாக மிரட்டிக் கொண்டிருக்கிறது. GPL version 3 வர்ர நேரத்துல இந்த கொடுமை வேற. என்ன நடக்குதுனு பாக்கலாம்.

Advertisements
Posted in உளறல். Comments Off on உளறல்கள் – 21/05/2007.
%d bloggers like this: