சொசெசூ – 07-09-2014.

          போன பதிவுல நான் என்ன எழுதியிருக்கேன்னு எனக்கே புரியல. சிலர் “ஐடி தொழில் அவ்ளோ தானா, அழிஞ்சிருமா”ங்ற ரேஞ்சில என்கிட்ட கேட்ருந்தாங்க. நான் அவ்ளோ பெரிய அப்பாடக்கர் இல்ல. இருந்தாலும் சொல்ல வர்றத தெளிவா மீண்டும் சொல்லிடலாம்னு பார்க்கிறேன். சொந்த கருத்து தான். அதனால திட்றதுன்னா, இந்த ப்ளாக ஏன் படிச்சோம்னு நீங்களே உங்கள திட்டிக்கோங்க… 🙂

          இந்தியன் ஐடி துறைங்றது பெரும்பாலும் mediocre talented மக்களை வைத்து செய்யும் தொழில். இது நம்ம பாஸ்கள், அவர்களின் பாஸ்கள் (வெள்ளக்காரன்) எல்லாருக்கும் தெரிஞ்ச விஷயம் தான். அதனால தான் வேலை செய்யறவனை விட, வேலைய செய்ய வச்சி முடிச்சி காட்டுறவனுக்கு (மேனேஜர்) தான் மதிப்பு அதிகம்.

ட்விட்டர், ப்ளாக்லலாம் கெக்கே பிக்கேனு உளறியிருந்தாலும் ExtrovertVSIntrovertஎன்னுடைய குணம் என்பது shy & introvertக்கும் நடுவுல வர்றதுனு நினைக்கிறேன். மேனேஜர் ஆவதற்கு சற்றும் பொருந்தாத குணம் அது. அதனால தான் ரொம்ப பொலம்பிட்டேன்னு நினைக்கிறேன். அதுவுமில்லாம என்னுடைய ஆதர்சங்கள்லாம் programmingல் சூரப்புலிகள். அதனால மேனேஜர் ஆவதற்குரிய தகுதிகளை வளர்த்துக்காமல் இருந்துவிட்டேன்.

அதனால என்ன சொல்ல வர்றேன்னா (சீக்கிரம் சொல்லித் தொலைக்கிறது).

  • 5+ வருடங்கள் experienceக்கு பிறகு கொஞ்சம் கொஞ்சமாக மேனேஜர் தகுதியை வளர்த்துக் கொள்வது நல்லது.
  • மேனேஜிங் என்பது அனுபவம் + திறமையால் வருவது.
  • இங்கே மேனேஜர் பற்றி கொடுத்துள்ளார்கள். Theoretical தான். அதில் கூறியபடி ஒரு தகுதி வாய்ந்த மேனேஜரை பார்ப்பது அரிது.
    டெக்னிகல் அறிவு இல்லாமல் மேனேஜராக இருக்க முடியும். ஆனால் டீம்ல மதிப்பு இருக்காது. அதனால அப்பப்ப ப்ராஜெக்ட் பற்றிய அறிவு மழுங்காமல் பார்த்துக் கொள்வது நல்லது.
  • DK Publishingல் Essential Managersனு ஒரு seriesஏ இருக்கிறது.
  • டீம்ல் இருக்கும் அனைவராலும் விரும்பப்படும் மேனேஜராக இருப்பது ரொம்ப கடினம். சில சமயம் @இட்ஸ்ப்ரசாந்த் ஆகக் கூட வாய்ப்பு இருக்கிறது (வர்றவன், போறவன்லாம் கலாய்ப்பான்). ஆனாலும் execution தான் முக்கியம். எடுத்த ப்ராஜெட்டை எப்பாடுபட்டாவது (டீம்ல ஒரு சில மாங்கா மடையர்கள் இருந்தாலும்) முடிக்க வேண்டும்.
  • Ok, finally. A successful manager gets 3x of his highest paid team member.

சரி, சொசெசூ (சொந்த செலவில் சூனியம்) மேட்டருக்கு வருவோம்.

         இசைஞானி ரசிகர்கள் தான் தமிழ் இணையவெளியில் நீக்கமற நிறைந்துள்ளார்கள். Blog  ஃபேமஸ் ஆக இருந்த காலத்துல இசை வெறி ஏத்திக்கனும்னா சில குறிப்பிட்ட ப்ளாக்களை படித்தால் போதும். இப்ப ட்விட்டர்ல ராஜா + ரகுமான் (ஏன் ரகுமானோட சண்டைனு எனக்கு இன்னும் புரியறதில்லை) அப்பப்ப வரும். ட்விட்டர்ல எல்லாமே சீசன் தான். விஜய்+தல சீசன் கொஞ்ச நாள் ஓடும், பிறகு பெண்ணியம், கிரிக்கெட், உலக சினிமா, லெக்கிங்ஸ் தேவையா இல்லியா, சும்மா கலாய்த்தல். ராஜா+ரகுமான் அப்பப்ப வந்து போகும்.

          அவுங்கவுங்க க்ரூப்ல கலாய்த்துக் கொண்டாலும், சில சமயம் “பூனைக்குட்டி வெளியே வந்தது”ங்ற மாதிரி ராஜா க்ருப் மற்றவர்களை “லோ க்ளாஸ், ஞான சூனியங்கள், தத்திகள்”னு வசை பாடுவார்கள். ஒவ்வொருவருக்கும் ஒரு ரசனை, அதில் மற்றவர்கள் தலையிடக் கூடாது நினைப்பேன். ராகம், ஸ்வரம், இன்ன பிறனு பிரித்து ஆராய்ந்து ரசிப்பதும் ஒரு கலை தான். ஆனால், அது தெரியாதவர்களை மட்டமாக எண்ணக் கூடாதில்லையா. இளையராஜா இசையமைப்பது இசை பற்றி தெரியாத பாமரனுக்கு தான். அவன் தான்  காசு குடுத்து டிக்கட் வாங்கி, படம் பார்த்து இளையராஜாவை இந்த நிலமையில் வைத்துள்ளான். உஸ்ஸ்ஸ்ஸ்ஸ்….

          சரி, மெயின் மேட்டருக்கு வருவோம். ரொம்ப  காலத்துக்கு முன்னாடி நானூறு கேசட்கள் வைத்திருந்தேன். பல்வேறு காரணத்தினால் எல்லாமே அபேஸ் ஆகிவிட்டன (பெரும்பாலும், கேட்டுட்டு குடுத்துற்ரேன்னு, திரும்ப வராது). அப்புறம் ஒரு அட்டை பெட்டி ஃபுல்லா வீடு மாறும் போது தொலைந்து விட்டது.

          திரும்ப கலெக்‌ஷன்சை ஆரம்பினும்னா இணையத்தில் டவுண்லோடனும். அது பெரும்பாலும் குப்பைதான். MP3 வந்த காலத்தில், சிறந்த தரம்னு 128kbpsல ரெக்கார்டு பண்ணியிருப்பாங்க.

          கொஞ்ச வருஷத்திற்கு முன்னாடி தான் இளையராஜா Agi Musicங்ற கம்பேனிக்கு தன் முழு creation களை விற்பனை செய்ய உரிமம் கொடுத்திருந்தார். அவுங்க கொஞ்ச MP3 சிடிக்களை வெளியிட்டாங்க. தரம் நன்றாக இருந்தது. ஆனால் soundcloudல் raja4ever கொடுக்கும் தரம் போல் இல்லை.

          அப்புறம் திடீர்னு அவர்கள் ஆன்லைன் only modeக்கு போய்விட்டார்கள், அதாவது iTunesல் மட்டும் தான் வாங்க முடியும். iTunes என்ன மாதிரியான எழவு என்றால் அது பாட்டை Apple productsல் மட்டும் தான் ப்ளே ஆக விடும். DRM shit. அவர்களையும் குற்றம் சொல்ல முடியாது. அவர்கள் சிடி வெளியிட்ட மறுநாளே டாரண்ட் வெளியே வந்துவிடும். பிறகு அவர்கள் என்ன செய்வார்கள். Piracy killed music industry. Now music industries are killing music.

          இப்பொழுது இளையராஜா குடும்பம் Agi music மேல கேஸ் போட்டுள்ளது. ராயல்டி கொடுக்கவில்லையாம். இது எப்ப முடியும்னு தெரியவில்லை. சிலகாலமாக LPயில் பாட்டுகள் கேட்க ஆரம்பித்துள்ளேன். இவையெல்லாம் அந்தக் காலத்துல ம்யூசிக் ரெக்காட்டிங் ஸ்டுடியோ வைத்துள்ளவர்கள் தள்ளிவிடும் ரெக்கார்டுகள். பெரும்பாலும் தேய்ந்து போய் தான் இருக்கும். சில மிக நல்ல தரத்தில் இருக்கிறது.

          அதே தரத்தில் ராஜாவின் அனைத்து பாடல்களையும் கேட்க முடியுமானு தெரியவில்லை. அதற்கான முயற்சியும் நடக்கிறதான்னும் தெரியல. இப்ப புதுசா இளையராஜா ரசிகர் மன்றம் ஆரம்பித்துள்ளார்கள். எனக்கென்னமோ இளையராஜா குடும்பம் Agi musicன் ரைட்சை கேன்சல் செய்துவிட்டு அவர்களே iTunesல் வெளியிடுவார்கள்னு நினைக்கிறேன். iShit வைத்திருக்காதவன் கதி என்ன ?

          Audio steganography என்று ஒன்று இருக்கிறது. இளையராஜா ரசிகர் மன்றத்தின் மூலமாக Audio steganography enabled high quality audio வை நேரடியாக விற்பனை செய்யலாம். நடக்குமானு தெரியல. இணையத்தில் முஷ்டியை முறுக்கும் மாஃபியா ரசிகர்கள், அனைவருக்கும் இளையராஜாவின்  இசை, நல்ல தரத்தில் கிடைக்கச் செய்யும் உருப்படியான முயற்சியில் இறங்கலாம். நல்ல தரத்தில் கொடுத்தால் கண்டிப்பாக மக்கள் காசு கொடுத்து வாங்குவார்கள்.

          இளையராஜா செய்த அற்புதங்களை, ஆடியோ தரமற்ற யூடியூபில் கேட்கும் நிலையுள்ளது. எ.டு ஒன்னும் தெரியாதா பாப்பா, வருது வருது விலகு விலகு, அட மச்சமுள்ள மச்சான். மேற் சொன்ன பாடல்களிலெல்லாம் ஞானியார் அடி பின்னி எடுத்திருப்பார். எனக்கு இன்னும் அந்த ரெக்காட்டுகள் கிடைக்கவில்லை. அந்த பாடல்களையெல்லாம் உயர்ந்த க்வாலிட்டியில் கேட்காமலேயே போய்ச் சேர்ந்துவிடுவோமோ என்று கவலையாக உள்ளது.

Posted in உருப்படாதது, உளறல். Comments Off on சொசெசூ – 07-09-2014.

ரொம்ப நிறைய புலம்பல்கள் – 13/04/2014

வாழ்க்கை வழக்கம் போல சோகமா போயிட்ருக்கு. பொதுவா ஃபீல்ட் அவுட் ஆகுற நடிகர்கள் சொல்றது என்னான்னா.,

  •     நல்லவுங்க யாருனு தெரியாம எல்லாரையும் நம்பினேன்.
  •     கஷ்டம்னு வரும் போது தான் மற்றவர்களின் சுயரூபம் தெரியுது.

இது போதாதுனு “கஷ்டம் வந்தா தனியா வராது. சொந்தக்காரங்க பலரை சேத்துக்கிட்டு ஒட்டு மொத்தமா வரும்”னு ஒரு general rule வேற இருக்கு. இதெல்லாம் அடுத்தவுங்களுக்கு நடந்தா அட்வைஸ் பண்ணிட்டு போய்ட்டே இருப்போம். நமக்கு நடந்தா, #அவ்வ்வ்…. டூ மச் ப்ராப்ளம்ஸ். சோ, இதெல்லாம் எப்படியும் முடிஞ்சிரும்னு நம்பிக்கையோட வாழ்க்கை போயிட்ருக்கு.

Procrastination நம்ம கூடப் பிறந்த சொத்து. எப்படியும் நடக்கும்னு தெரியும், இருந்தாலும் ஒண்ணும் பண்ணாம இருப்பது நம்ம ஸ்டைல். இந்திய சாஃப்ட்டுவேர் கம்பேனிகளுக்குன்னே ஒரு தர்மம் இருக்கு. அதாவது 5 வருஷத்துக்கு மேல எக்ஸ்பீரியன்ஸ் இருந்தா ஜூனியர் மேனேஜராகவாவது ஆகியிருக்கனும். ஆனா, நமக்கும் மேனேஜர் போஸ்ட்டுக்கும் ரொம்ப தூரம். பொதுவா காஃபிடேரியாக்களில் நடக்கும் மேனேஜர்களை கழுவி ஊற்றும் விவாதங்களில் நம்ம கருத்து தான் நிறைய இருக்கும். எல்லாம் தெரிஞ்சே நாம எப்படி மேனேஜர் ஆகுறது. ஆனா விதி வலியது இல்லியா. எதுக்கும் எக்ஸ்பீரியன்ஸ் டபுள் டிஜிட் அடிக்கிறதுக்கு முன்னாடி ஒரு தடவை மேனேஜர் போஸ்ட் ட்ரை பண்ணனும்னு ஒரு இந்திய கம்பேனியில் ஜாயின் பண்ணினேன். உஸ்ஸ்ஸ்… மரண அடி. யாராவது ஒருவருக்கு கூட நல்லவனாக இருக்க முடிதாத நிலை. விலகிவிட்டேன்.

இப்ப மீண்டும் பட்டி, டிங்கரிங் பார்க்கும் வேலை. டபுள் டிஜிட் எக்ஸ்பீரியன்ஸ்டு சாஃப்ட்வேர் இஞ்சினியர் என்பது இந்தியாவைப் பொருத்த வரையில் கையறு/முதிர்கன்னி நிலை. ஒண்ணும் சொல்றதுக்கில்லை. ஏற்கனவே மேனேஜர் வேலை பார்த்திருப்பதால் கொஞ்சம் இன்சைடர் வேலை தெரியும். இவ்ளோ எக்ஸ்பீரியன்ஸ்ல ஒருத்தனுக்கு பதில், மூணு கத்துக்குட்டிகளிடம் வேலை வாங்கலாம். தக்கி முக்கி எப்படியாவது வேலையை முடித்துவிடுவார்கள். அவர்களை மேய்க்க ஒரு டெக் லீட்னு ஒருத்தனை போட்டால் ஒரு முழு டீம் கிடைத்துவிடும். எப்ப இந்த மாதிரி யோசிச்சி என்னைய வேலைய விட்டு அனுப்ப போறாய்ங்களோ தெரியல. ஆனா இந்த மாதிரி “ஙே” நிலமைல மாட்டுறது புதுசில்லை. எப்படியோ கைய ஊன்றி கரணம் பண்ணி தப்பிச்சிடுவேன். இப்ப எப்பிடியாகுதுனு பார்க்கலாம். இதுல வேற புதுசா வீட்டுக்கடன் வேற. காலம் போன காலத்துல புது வீடு.

சாஃப்டுவேர் வேலைல தாக்குபிடிக்கிறக்கு ஒரு தனித்திறமை வேண்டும். ஒரு காலத்துல அதை கிண்டலடிச்சாலும்,இப்ப அது ஒரு திறமைனு தான் தோணுது. Being creative in doing jalra & projecting yourself high.

  •     சின்ன வேலை செஞ்சிட்டு, பெருசா சாதிச்சா மாதிரி சொல்லிக் கொள்வது.
  •     சின்ன சின்ன progressஐக் கூட எல்லாரிடமும் காட்டுவது.
  •     மீட்டிங்கில் சம்பந்தா சம்பந்தமில்லாமல் நிறைய பேசுவது.

சுருங்க சொல்லனும்னா, டீம்மில் பெரியாளாக காட்டிக் கொள்வது. இதுக்கெல்லாம் கண்டிப்பாக தனி மூளை தேவை.

உஸ்ஸ்ஸ்… வருங்காலம் கஷ்டகாலம்னு தெளிவாத் தெரியுது.

Posted in உருப்படாதது, உளறல். Comments Off on ரொம்ப நிறைய புலம்பல்கள் – 13/04/2014

உருப்படாதது – 28/1/2011.

2011னின் சபதங்கள்…

  • பாதியில் எழுதி முடிக்காமல் உள்ள நாவலை முடிக்கவேண்டும்.
  • தேர்தலில் ஒரு நல்ல ஓட்டு, ரெண்டு கள்ள ஓட்டு போட வேண்டும். துட்டு நெறையா குடுக்குறவுங்களுக்கு கள்ள வோட்டு, ஐபோன் கொடுக்குறவுங்களுக்கு நல்ல வோட்டு. இலவச டெக்னாலஜி எங்கையோ போய்க்கிட்டுருக்கு.
  • சென்னைப் புத்தக கண்காட்சியில் வாங்கிய புத்தகங்களை படித்து முடிக்க வேண்டும். மொத்தம் 6543 பக்கங்கள். நெனைச்சாலே கண்ணக்கட்டுது.
  • ட்விட்டரில் 10000 ஃபாலோயர்சைச் சேக்க வேண்டும்.
  • ரொம்ப நாளா குறும்படம் எடுக்கனும்னு சொல்லிக்கிட்டிருக்கிற நண்பருக்கு ஃபைனான்ஸ் பண்ணனும். ரொம்ப நல்ல கதை. இப்போ நெனைச்சாலே கண் கலங்குது. உருக்கமான கதை. கதை கீழே இருக்கு. மிஷ்கின் படிக்காம இருக்கனும்.
  • ரெண்டு வருஷத்துக்கு முன்னாடி வாங்கி வச்ச ஆர்மோனியம் சும்மா தூங்குது. துடைக்கவாவது கத்துக்கனும்.
  • மாரத்தான் ஓட்டம். இங்க எங்க நடக்குதுனு தெரியல. ஆனா எப்படியாவது ஓடி முடிக்கனும், இன்ஸ்டால்மண்ட்லேயாவது.
  • பத்து உலக சினிமா, ஐந்து லோக்கல் சினிமா, மூணு நாவல், ஏழு கவிதைத் தொகுப்பு, நாலு ரெஸ்டாரண்ட், எட்டு கையேந்திபவன்… இதெல்லாம் இந்த வருஷ விமர்சன லிஸ்ட்ல இருக்கு. எப்படியாவது முடிக்கனும். டமிள் இணையக் கடமைனு ஒண்ணு இருக்கில்ல.
  • வாங்கியிருக்கிற Canon EOS 7Dயை வச்சி PiT போட்டி ஒண்ணுலயாவது ஜெயிக்கனும்.

குறும்படக் கதை :
கரிசல் காட்டில் ஒரு ஏழைப் பாட்டி. விறகு எடுத்துத் தான் பசி போக்கிக் கொள்ள வேண்டும். அவளுக்கு ஒரு மகள். சென்னையில் ஒரு கணிணி நிறுவனத்தில் ப்ராஜெக்ட் மேனேஜர். விவாகரத்தானவர், ஒரே ஒரு டீனேஜ் பையன். பையன் *சு விட்டாலும் Yo man, whaz up, என்று தான் கேட்கும். அந்த அளவுக்கு நாகரீக உலகில் இருப்பவன். நிறுவனம் ப்ராஜெக்ட் ஸ்டேடஸ் மீட்டிங்கிற்காக ஒரு மாசம் அவரை அமேரிக்காவிற்கு அனுப்புகிறது. மகனைப் பார்த்துக் கொள்ள யாருமில்லை. மகனைத் தாயிடம் விட்டுச் செல்கிறார்.

நாகரீகப் பேரனும், கரிசல் பாட்டியும் எப்படி ஒன்று சேருகிறார்கள் என்பது கதை. நிறைய சுவாரசியம் உண்டு. பேரன் KFC fried chicken கேட்க, பாட்டி நாட்டுக் கோழிக் குழம்பு வைக்கிறதும், FTV பாக்க வேண்டும் என்று சொல்ல, பாட்டி பஞ்சாயத்து டீவியில் “வயலும் வாழ்வும்” வைப்பதும் என்று செல்கிறது. பின்னர் பாட்டியின் மனது மெச்சும்படியாக, பாட்டியின் ஒரு ஏக்கர் தரிசு நிலத்தில் “பசுமை விகடன்” படித்து, பேரன் கம்பு விளைவிப்பதும், நாட்டாமையின் மகளை சைட் அடித்து கல்யாணம் முடித்து ஊர் ப்ரசிடண்ட் ஆவதும் என்று முடிகிறது.

லேட்டா வந்தாலும்…
சென்னைப் புத்தக கண்காட்சியில வாங்குன புத்தக லிஸ்டை எல்லோரும் எழுதியாகனும்னு ஒரு (தலை)விதி இருக்கு. கஷ்டப்பட்டு நாலு முறை அங்கு சென்று வாங்கிய புத்தகங்களைப் பற்றி கட்டாயம் எழுதியாகனும். போன வருஷம் என்னென்ன புத்தகம் வாங்கனும்னு லிஸ்ட் எடுத்துப்போய் பேஜாராகிவிட்டது. கடை கடையா தேடி அலையனும், ஒண்ணு தேடுற புக் இருக்காது. இல்லைன்னா டிஸ்ப்ளே புக் மாதிரி அழுக்கா இருக்கும். போனது கடேசி ரெண்டு நாள்ளயில்ல. இந்த தடவை அப்படியாயிடக்கூடாதுன்னு லிஸ்ட் எதுவும் எடுக்கல. போனதும் முதல் வாரத்திலையே. ஜெனரல் டாபிக் மட்டும் தேர்ந்தெடுத்து, சூட்டோடு சூடா அங்கையே படித்து வாங்கின புத்தகங்கள்.,

இலக்கியம்
1. கம்பராமாயணத்தில் திராவிடம்  – சி.கோதண்டபாணி.
2. தொல்காப்பியம் மூலமும் உரையும் – தமிழக அரசுப் பதிப்பகம்.
3. இளைஞன் : திரைக்கதை, வசனம் – கலைஞர் மு.கருணாநிதி.

அரசியல்
4. வயலுக்கு பாயும் செங்குருதி  – காபூலிவாலா.
5. குடவோலை அரசியல்    –  செழியன் முத்துசாமி.
6. விஜயாலய சோழன் வரலாறு – துரை பிரசன்னா.

சமையல்
7. ஒரு மணி நேரத்தில் உலக சமையல் (சீனா) – ஜிங் லி (தமிழில் கா.சாமிநாதன்).
8. பத்திய சமையல் குறிப்புகள் – அருமை நாயகம்.

ஆன்மீகம்
9. எங்கு காணினும் சக்தி    – வி.பத்மநாபன்.
10. நீங்கள் கேட்க நினைத்த ஆன்மீக பதில்கள்    – பசி.செல்வம்.

கவிதை
11. செம்மாந்த மலர்கள் – வை.குமரவேல்.
12. எழுதாத கவிதைகள் – மு.ராஜாராமன்.

கதைகள்
13. கரிசல் பூமியின் ஊற்று – கீரனூர் செல்வி.
14. ஒரு பட்டாம்பூச்சியின் சிறகு – சி.செந்தில் கணேசன்.
15. சிறந்த சாகித்ய அக்காடமி தமிழ்க் கதைகள் 1975-1995 – சாகித்ய அக்காடமி.

கட்டுரைகள்
16. லெமூரியாவைத் தேடி    – வ.ராஜசேகர்.
17. கட்டுடைக்கும் வாழ்வியல்    –  ர.வெங்கடக்கிருஷ்ணன்.
18. உதவி டைரக்டரின் நாட்குறிப்பு  – குயிலன்.

Posted in உருப்படாதது. Comments Off on உருப்படாதது – 28/1/2011.

உருப்படாதது – 31/12/2010

மீண்டும் :

உலகத்துக்கு ஒண்ணும் புதுசா சொல்லப் போறதில்ல. ரொம்ப நாள் கழிச்சி வந்து பாத்தா… வேர்ட்பிரஸையும் தமிழில் மாத்தி வச்சிருக்காங்க. ஒண்ணும் புரியல… இடுகை, பதிப்பி, ஊடகம்னு..

நான் வாசிக்கிறவுங்க அனைவரும் ஃபீல்ட் அவுட் ஆகிட்டாங்க. ரொம்ப நாள் கழிச்சு பதிவுகள் படிக்கிறேன். எல்லாமே அதே மாதிரி தான் இருக்கு. திரை விமர்சனம், உள்குத்து etc., etc.,

அனைவருக்கும் ஆங்கில புத்தாண்டு வாழ்த்துக்கள்.

Will be back in swing from 2011.

Posted in உருப்படாதது. Comments Off on உருப்படாதது – 31/12/2010

உருப்படாதது – 17/07/2008.

நடந்தது என்ன ?
	இந்த நாலு மாச கேப்ல பல விஷயங்கள் நடந்திருச்சி. ஆடு, மாடு, கோழி தவிற பல
நடந்துவிட்டன.,

MSFT & Yahoo :
	ஏறக்குறைய திரைக்கதையை ஊகித்தாலும் கிளைமாக்ஸை தவறவிட்டுவிட்டேன். Icahn, "நாட்டம தீர்ப்ப மாத்து"னு
கதறினாலும், நாட்டாமை மசியவில்லை. அப்புறம் நாக்கை புடுங்கிக்கிற மாதிரி நாலு கேள்விகளைக் கேட்டார்.
க்ளைமாக்ஸ்ல அந்தர் பல்டி. இப்போ நாலு நாளா ஏதோ காமெடி நடந்துக்கிட்டிருக்கு. Yahoo வை நினைச்சா பரிதாபமா
இருக்கு.

AMD :
	F* U AMD. நானும் காலம் காலமா dual core phenom வரும் வரும்னு காத்துக்கிட்டிருந்தேன். என்ன ஆச்சோ
அதை AMD கேன்சல் பண்ணிட்டாங்க. அந்த ஆண்டவன் தான் AMD ய காப்பாத்தனும்னு நினைச்சிட்டிருந்த போது..
வந்தாரு ATI4850. Cool... Nvidia தலை தெறிக்க ஓட வேண்டியதாச்சி. Phenom + 4850 டெட்லி காம்பினேஷன்னு
நினைக்கிறேன். மொதல்ல காசு வேணும்.

தஸ் அவதார் :
	பாத்தவுங்க, பாக்காதவுங்கனு எல்லோரும் கண்டிப்பா தஸ் அவதாரைப் பற்றி எழுதியே தீர வேண்டும்.
நான் தீவிர கமல் ரசிகன் கிடையாது, அதனால இன்னும் பார்க்கவில்லை. பலர், இந்தியன் பட மேக்கப் மாதிரி இருக்குனு
சொல்லும் போதே பார்க்க வேண்டும்ங்ற ஆர்வம் போய்விட்டது. மேக்கப் டெக்னாலஜியில கமல் எங்கெங்கையோ
போய் படித்தார்னு சொன்னாங்க, கோட் அடிச்சிட்டாரோ என்னமோ. இந்த மாதிரி உலக சாதனை படங்கள் செஞ்சிட்டு
(ஹேராம், ஆளவந்தான் etc.,) கொலைவெறியோடு சில காமெடிப் படங்கள் நடிப்பார் (பஞ்சதந்திரம், ப.கே.ச etc.,).
அவைகளை வாரத்துக்கு ஒரு முறையாவது டி.வியில் பார்க்கும் தண்டனை மக்களுக்கு. தஸ் அவதாருக்கு பிறகு மீண்டும்
ஒரு உலக சாதனைப் படத்தில் நடித்து மக்களைக் காப்பாற்ற வேண்டும்.

யூடியூப் :
	காத்திருந்து காத்திருந்து..... finally.. சஸ்பெண்ட் ஆகிவிட்டேன். kuumuttai ஐடி டமாலானைதை ஏறக்குறைய லைவ்வா
 பாத்தேன். அரை மணி நேரத்துக்கு முன்னாடி கமெண்ட்ஸ் அப்ரூவ் பண்ணிவிட்டு பிறகு வந்தால்.. This account
has been permanently disabled னு தரிசனம் கிடைத்தது. naankuumuttai ஐடிய தூங்கும் போது நாக் அவுட்
பண்ணிட்டாங்க.
	சஸ்பென்ஷனுக்காக காத்துக்கிட்டிருந்தேன்னு தான் சொல்லனும். எனது ஓய்வு நேரத்தை (aka ஆபீஸ் நேரம்)
யூடியூபே விழுங்கிக் கொண்டிருந்தது. அதுவுமில்லாம இப்போ வேலை மாறலாமானு யோசிச்சிட்டிருகேன். ஓப்பி
கம்பேனி, வேலை செய்யும் கம்பேனினு மாத்தி மாத்தி மாறுவேன். இப்போ வேலை செய்யும் கம்பேனிக்கு மாற
வேண்டிய வேளை வந்தாச்சு. Hello Worldஐயே தப்பும் தவறுமா எழுதிக்கிட்டிருக்கேன். என்ன நடக்கப் போகுதோ
தெரியல.

பெடோரா :
       விடியோ கேப்சர் செய்ய ஆரம்பித்ததிலிருந்து இது வரைக்கும் நாலு முறை விண்டோஸ் க்ராஷ் ஆகியிருக்கு
(நன்றி : டுபாக்கூர் தய்வான் கேப்சர் கார்ட்). ஒவ்வொரு முறையும் ரீ இன்ஸ்டால் செய்ய வேண்டியதிருக்கும். இப்போ
கொஞ்ச நாளைக்கு முன்னாடி டமாலயிடுச்சி. இந்த முறை விண்டோஸ் + பெடோரா இன்ஸ்டால் பண்ணிவிட்டேன். கொஞ்சம்
தாவு தீந்துடுச்சி. இருந்தாலும் ஓக்கே. GRUB ல பெடோராவே டீபால்ட்டா லோட் ஆகுற மாதிரி பண்ணியிருக்கேன்.
இதுவரைக்கும் எந்தக் குறையுமில்லை. அங்கேயும் பயர்பாக்ஸ் & ஓப்பன் ஆபிஸ், இங்கையும் பயர்பாக்ஸ் & ஓப்பன்
ஆபிஸ். பூபார்க்கு பதில் இங்கே ரிதம்பாக்ஸ். Not bad.

ஜென் :
	க்ரியேடிவ் ஜென் அடுத்த மாடலுக்குப் போவதால் தற்போதைய ஜென் சல்லிசா கிடைக்கிது. நான் ஆர்டர்
பண்ணும் போது $75க்கு இருந்தது. புதரகத்திலிருந்து வரும் நண்பர் அடுத்த மாதம் கொண்டு வருவார்.
எனக்கே எனக்குனு பிடிச்ச விடியோக்களை மீண்டும் கேப்சர் பண்ணி (இப்போ தான் அடிக்கடி டி.வியில
போடுராங்களே), ஜென்னுக்கு மாற்றலாம்னு இருக்கேன்.
Posted in உருப்படாதது. Comments Off on உருப்படாதது – 17/07/2008.

உருப்படாதது – 26/11/2007.

பிரசவ வேதனை.

பிரசவத்துக்கும் எனக்கும் சம்மந்தம் இல்லைன்னாலும், சுமார் மூணு வாரம் பிரசவ வேதனை அனுபவிச்சேன். AMDக்கு எப்படியோ தெரியல, ஆனா மூணு வாரமா anandtech, tomshardware, the-inquirer, tech-report னு மவுசை அமுக்கியதுல என் ஆள்காட்டி விரல் ரேகை தீஞ்சு போயிருச்சு. ஒருவழியா நவம்பர் 19 தேதி AMD Spider சிஸேரியன்ல பிறந்துட்டார்.

 

பிறந்த மூணு குழந்தைகள்ல ரெண்டு நல்லா புஷ்டியா கொழு கொழுனு இருக்குங்க. AMD 790 chipset & 38xx GPU. மற்றொரு குழந்தையான Pheom நிலை தான் படுமோசம். குறைபிரசவம் வேறு. AMD9700க்கு பிறவிக்கோளாறு இருப்பதாக கண்டுபிடித்துள்ளார்கள். என்ன கொடுமை.

 

AMD வெப்சைட்ல “சிங்கம் போல வாராண்டி என் செல்லப் பேராண்டி“ ரேஞ்சுல பீலா உடுறாங்க.. பிறக்கப் போறது காகிதப் புலிகள் தான்னு முன்னாடியே தெரிஞ்சாலும் ஒரு ஆர்வம் தான். ஆனாலும் Phenomமை தவிர்த்து மற்ற இருவரும் சூப்பர்.

 

எப்பவுமே ATIயின் GPU வந்தவுடன் கொஞ்சம் ஜகா வாங்கி பின்னர் ஒரு Catalyst driver update வந்தவுடன் சுழன்றடிக்கும். ஆனாலும் கொஞ்ச நாளாவே ATIக்கு போதாத நேரம் தான். DirectX 10 சப்போர்ட் செய்ய நேரம் பிடித்தது. போன ஜெனெரேஷன் 19xx GPUல ஊருக்கே சமைத்து போடுற அளவிற்கு ஹீட்டிங் ப்ராப்ளம். ஆனா ஒரு வழியா DirectX 10.1 சப்போர்ட்டோட 38xx GPU வந்திருச்சி. Price-Performanceல இப்போதைக்கு ATIய அடிச்சுக்க Nvidiaவிற்கு கொஞ்ச நேரம் பிடிக்கும்.

 

Pheom நிலமை இந்த அளவிற்கு மோசமாக இருக்கும்னு நினைச்சே பாக்கலை. அட்லீஸ்ட் Q6600வை அடிக்கும்னு நினைச்சேன். ஆனா Q6600 அடுத்த வருஷம் வரவிருக்கும் Phenom 9900வையே அடிச்சி தூக்கிரும்னு பேசிக்கிறாங்க. ஆனாலும் Price-PerformanceAMDய அடிச்சுக்க முடியாது. அடுத்த வருஷம் வரவிருக்கும் மேலும் சில GPU, AMD Southbridge SB700, மற்றும் updated Phenom should rock.

 

2004-2006ல் முடிசூடா மன்னனாக இருந்த AMD இப்போ அவுங்களுடைய நிரந்தர இடமாகிய இரண்டாவதற்கு போயிட்டாங்க. ரொம்ப ஓவரா ஆடக்கூடாதுனு AMDக்கு புரிஞ்சா சரி.

கணினிய மாத்தலாம்னு இருக்கேன். பாக்கலாம் என்ன நடக்குதுன்னு.

 

Wow
என்னா video composition. ஒரு செகண்டுக்கு எத்தனை முறை விடியோ கட் ஆகுது. டெக்னிக்கலா தெரியலனாலும் மிகவும் கவர்ந்த விடியோ. Lyrics பட்டைய கெளப்புதுல்ல.

“Potential Breakup Song”

 

It took too long
It took too long
It took to long for you to call back
And normally I would just forget that
Except for the fact it was my birthday
My stupid birthday

 

I played along
I played along
I played along
rolled right off my back
But obviously my armor was cracked
What kind of a boyfriend would forget that?
Who would forget that?

 

The type of guy who doesn’t see
What he has until she leaves
Don’t let me go
Cause without me, you know you’re lost
Wise up now or pay the cost
Soon you will know

 

You’re not livin’ till you’re livin’
Livin’ with me
You’re not winnin’ till you’re winnin’
Winnin’ me
You’re not gettin’ till you’re gettin’
Gettin’ to me
You’re not livin’ till you’re livin’
living for me

 

This is the potential breakup song
Our album needs just one
Oh baby please
Please tell me

 

We got along
We got along
We got along until you did that
Now all I want is just my stuff back
Do you get that?
Let me repeat that
I want my stuff back

 

You can send it in a box
I don’t care just drop it off
I won’t be home
Cause without me, you know you’re lost
Minus you I’m better off
Soon you will know

 

You’re not livin’ till you’re livin’
Livin’ with me
You’re not winnin’ till you’re winnin’
Winnin’ me
You’re not gettin’ till you’re gettin’
Gettin’ to me
You’re not livin’ till you’re livin’
living for me

 

You can try, you can try
You know I know it’d be a lie
Without me you’re gonna die
So you better think clearly, clearly
Before you nearly, nearly
Mess up the situation that your gonna miss dearly, dearly
C’mon

 

You’re not livin’ till you’re livin’
Livin’ with me
You’re not winnin’ till you’re winnin’
Winnin’ me
You’re not gettin’ till you’re gettin’
Gettin’ to me
You’re not livin’ till you’re livin’
living for me

 

This is the potential breakup song
Our album needs just one
Oh baby please
Please tell me

 

This is the potential make-up song
please just admit you’re wrong
Which will it be?
Which will it be?

Posted in உருப்படாதது. Comments Off on உருப்படாதது – 26/11/2007.

உருப்படாதது – 19/10/2007.

Yin Yang.
வேலை கெடச்ச புதுசுல சென்னை சிட்டி வாழ்க்கை எல்லாமே புதுசா இருந்துச்சி. சின்ன ஊர்லேயிருந்து சென்னைக்கு வந்திருந்ததால எல்லாமே ஆன்னு வாயப் பொளக்க வச்சது. ஆபீஸ்லையும் இதே கதி தான்.

“ஆ, இவ்ளோ பெரிய கட்டடமா”, “ஆ. குஷன் வச்ச சேரா”, “ஆ. எனக்கே எனக்குனு கம்ப்யூட்டரா”, “ஆ. மத்தியானம் ஃப்ரீயா சாப்பாடா”. இப்படீனு எடுத்ததுக்கெல்லாம் வாயப் பொளந்துக்கிட்டிருந்தேன். லண்டன், நியூயார்க்ல பிறந்து டெய்லி விமானத்துல வந்து போயிடிருக்கும் சிட்டி மைந்தர்களும் ஆபீசில் இருந்தார்கள். அவர்கள் வாயத் தொறந்தாலே தாய்மொழியாம் பீட்டரில் தான் பேசுவார்கள். என்னை மாதிரியான விருமாண்டி கோஷ்டியினரைத் திரும்பிக்கூட பாக்கமாட்டார்கள். Of course எங்களுக்கு அதனால் ஒரு கவலையும் இல்லை.

பிறகு, “வேரியபிள் யூஸ் பண்ணுரதுக்கு முன்னாடி டிக்ளேர் பண்ணனும், கம்பேர் பண்ணுறதுக்கு சிங்கிள் ஈக்குவல் இல்ல டபுள் ஈக்குவல், ஒவ்வொரு ஸ்டேட்மண்ட் இறுதியிலும் செமி கோலன் வைக்கணும்”, போன்ற அறிவியல் உண்மைகளை அவர்களுக்கு எடுத்து இயம்பினதுனால கொஞ்சம் இறங்கி என்னோட பேச ஆரம்பிச்சாங்க. வேற எதுல ? டமில் மொலில தான்.

அதுல ஒருத்தர் பயங்கர பணக்காரர் ஆபிசுக்கே கார்ல தான் வருவார். ஒரு நாள் அவருடைய ப்ரோக்ராம்ல சில சிங்குச்சா பண்ணி ஓட வச்சேன். ரொம்ப இம்ப்ரஸாகி நீ இன்னைக்கு வீட்டுக்கு வானு இன்வைட் பண்ணினார். பெரிய பணக்கார வீடாச்சா, நானும் வாயப் பொளந்துக்கிட்டு எல்லாத்தையும் பாத்திக்கிட்டிருந்தேன். அவர் ரூம்ல தான் முதன்முதலாக ஒரு ஹைகிளாஸ் ஆடியோ சிஸ்டத்தைப் பார்க்கிறேன். அதைப் பார்த்ததும் அடைந்த ஆனந்தத்தை எழுத்தில் எழுத முடியாது.

Denon சிஸ்டம், B&W ஸ்பீக்கர்கள். ஃப்ரண்ட் ஸ்பீக்கர்ஸே ஏறக்குறைய என் இடுப்பு உயரத்திற்கு இருந்தன. அதுல பாட்டு போடுய்யானதுக்கு போட்டார் பாருங்க ஒண்ணு. தலைமுடியெல்லாம் பிச்சுக்கிச்சி. என்னய்யானதுக்கு, அதுதான் டெக்னோ மியூசிக்ன்னார். முந்தைய நாள் அவரும் அவருடைய காதலியும் அந்தப் பாட்டைப் போட்டு டான்ஸ் ஆடிக்கிட்டிருந்தாங்களாம். என்ன கொடுமையிது.

இந்த மாதிரியான் டெக்னோ மியூசிக்கெல்லாம் டிஸ்கொத்தேல போடுவாங்களாம். எள் விழக்கூட இடமில்லாத இடத்துல ஆண்களும் பெண்களுமாக டெக்க்னோவிற்கு டான்ஸ் ஆடுவாங்களாம். வாயப் பொளக்கறதத் தவிற வேறு வழியேயில்ல.

பிறகு நானும் டெக்னோ கேக்குற அளவிற்கு முன்னேறிட்டேன்னு வையுங்க. ஆபிஸ்லையும் சில சமயம் கேப்பேன். Bug குத்துமதிப்பா எங்க இருக்குனு தெரிஞ்சிருச்சின்னா, டெக்னோ கேட்டுக்கிட்டே அவைகளை வேட்டையாடுவதே தனி சுகம். எங்க இருக்குன்னே தெரியலைன்னா எங்க மேனேஜர் “கேட்டதையெல்லாம் கொடுக்கும் கிருஷ்ணா, கிருஷ்ணா. Bug எங்க இருக்குனு காட்டப்பானு” பாடிக்கிட்டிருப்பார்.

Paul Van Dykனு ஒரு DJ இருக்கார். புல்லாங்குழலும், வயலினும் இசைக்க வேண்டிய கவிதையான காட்சியமைப்பிற்கு டெக்னோ போட்டிருக்கார். ஆனாலும் காட்சி ஏற்படுத்தும் தாக்கத்தில் இம்மி கூட குறையவில்லை. நீங்களும் பாருங்கள்.

Posted in உருப்படாதது. Comments Off on உருப்படாதது – 19/10/2007.

உருப்படாதது 5/8/2007.

நேரம் வந்தாச்சி.
ப்ளாகர் தோன்றா முன் தோன்றிய மூத்த ப்ரச்சனையாகிய போண்டா போளி ப்ரச்சனை, இந்த மாதம் தமிழ் இணையத்தில் உச்சத்தில் உள்ளது. இது ஒவ்வொரு வருஷமும் ஒரு மாசம் ஃபுல் ஸ்பீடுல இருக்கும். இந்த வருஷத்துல இப்போ டாப் கியர்ல இருக்கு. நிற்க.

தமிழ் இணையத்தின் அசைக்க முடியாத தூண்களில் ஒன்றான இந்தப் பதிவு (aka வலைப்பூ) கால் நூறை நோக்கி முன்னேறிக் கொண்டிருக்கிறது. இந்த சமயத்துல சில விஷயங்களை தமிழ் இணையத்தின் முன் வைக்கின்ற கட்டாயம் ஏற்பட்டுள்ளது. முதல் விஷயம், எந்த ஜாதி என்பது. அதுவும் நேரடியா சொல்லக் கூடாதாம். அரசல் புரசலாத் தான் சொல்லனுமாம். என்ன கொடுமையிது சரவணன் ?

அதனால எண்சீர் விருத்தத்தையும், அந்தாதியையும், வெண்பாவையும் மிக்ஸ் பண்ணி கானா உலகநாதனிடம் கன்சல்ட் செய்து வாழ்கையில் முதல் முறையாக ஒரு கவிதை எழுதியுள்ளேன். ஒரு ஜாதி ஒழிய வேண்டும் என்பது உட்கருத்து. அதனால எந்த ஜாதி ஒழிய வேண்டும்னு சொல்றேனோ, அதுக்கு ஆப்போசிட் ஜாதி தான் நான். சீக்ரட்டாத் தான் சொல்லனும்னு தமிழ் இணைய விதி உள்ளது. என்ன செய்ய. எல்லாப் புகழும் இறைவனுக்கே.

பத்து மணிக்கு வர்றாங்கோ, அஞ்சு மணிக்கு ஓடுறாங்கோ.

மெயில் அனுப்சிட்டு அடுத்த நிமிஷமே முதுகில மூச்சு விட்டு
மெயில் அனுப்சனே வந்திருக்கானு பாருங்கிறாங்கோ.

கஸ்டமர குளுமைப்படுத்த வாய்க்கு வந்ததை ரிலீஸ் டேட்டுங்றாங்கோ.

சொந்தக்காரனை மேல ஏத்திவிடுறாங்கோ
வேலை செய்யுறவனை கொடுமைப்படுத்தறாங்கோ.

தான் வீட்டில சுகமாத் தூங்க
லேட் நைட் மீட்டிங் அட்டண்ட் பண்ணச்சொல்றாங்கோ.

“Bug”அ அஸைன் பண்ணி அடுத்த நிமிஷம் ஸ்டேட்டஸ் கேக்குறாங்கோ.

கஸ்டமர் சொல்றது ஒரு எளவும் புரியலனாலும்
மண்டைய மண்டைய ஆட்டுறாங்கோ
தெனாவட்டா மீட்டிங் ஸ்ட்டேட்டஸ் ரிப்போர்ட் அனுப்புன்றாங்கோ.

பிஸினஸ் கிளாஸ்லே வெளிநாடு போறாங்கோ
வேலை செய்யுறவன ஏர் இந்தியா எகனாமிக் கிளாஸ்லே அனுப்பறாங்கோ.

ப்ராஜெக்ட் சக்ஸஸ்னா முன்னாடி வந்து போட்டாவுக்கு போஸ் கொடுக்கறாங்கோ
பீஸ் போனா எங்க பக்கம் கைகாட்டுறாங்கோ.

ஒண்ணுமில்லாத வெட்டி அலப்பறைக்கு மும்மடங்கு சம்பளம் வாங்குறாங்கோ.

கடவுளே, MS Officeசும், MS Project மட்டும் தெரிந்த இந்த
ப்ராஜெக்ட் மேனேஜர்ஸ் என்ற ஜாதி ஒழிய வேண்டும்.

ஒலக சினிமா
கல்லூரியில் படிக்கும் வரை, ஒலக சினிமான்னா அறிவு வளர்ச்சிக்காக ஊருக்கு ஒதுக்குப்புறத்தில் உள்ள தியேட்டரில் போடும் படம்னுதான் நெனச்சிக்கிட்டிருந்தேன். வேலைக்கு சேந்த பிறகு ஒரு நண்பர் கிடைத்தார். அடிக்கடி வெளிநாடு பறக்கும் மக்களிடம் டிவிடி வாங்கி வரச் சொல்வார். காசு கொடுத்து இங்கிலிபீஸ் படம் பாக்குற அளவுக்கு கலி முத்திருச்சானு கேட்டப்ப, பொறுமையா நீயும் பாரேன்னு, கையோடு சில டிவிடியும், ப்ளேயர் இல்லனு சொன்னதும் தன்னோட பிளேயரையும் கொடுத்தார்.

கொடுத்த டிவிடிக்களில் சிலது கருப்பு வெள்ளை அட்டைப்படமாயிருந்தது. அட்டையிலிருக்கும் Uma Thurman னுக்காக நான் பார்த்த முதல், வசனம் பேசும் ஆங்கிலப்படம் “Pulp Fiction”. மொதல்ல அரை மணி நேரம் பாத்துட்டு ஆப் பண்ணிவிட்டேன். “என்னய்யா ஒரே கெட்ட வார்த்தையா பேசுறாங்க” என்றதிற்கு, உங்க வடிவேலு தான் ஏற்கனவே அதையேல்லாம் “ங்*.*”னு தமிழ்ப்படுத்திட்டாரேனு கலாய்த்தார். இருந்தாலும் வசனமும் புரியலைனு சொன்னதால சப்டைட்டிலோடு எப்படிப் பார்ப்பது என்று சொல்லிக் கொடுத்தார்.

அப்படியிருந்தும் படம் புரியவில்லை. “செத்த வின்சென்ட் வேகா எப்படிய்யா உயிரோடு வந்தான் ?” என்றதிற்கு, டைம் லைன் படம் போட்டு விளக்கினார். ஆகா. இப்படியெல்லாம் இருக்குமா. ஒரு திரைக்கதையை துண்டு துண்டாக வெட்டி, அங்கையும் இங்கையும் போட்டு எடுத்த படமா. மீண்டும் படம் பார்த்தேன். Finally… Cool…

இரண்டு Professional Hitmanகளின் இரண்டு நாட்கள். சுழன்றடிக்கும் சண்டையில்லை. பேசுவதெல்லாம் கெட்ட வார்த்தைதான் (அடியாட்கள் பின்ன எப்படி பேசுவாங்க). ஆனாலும் எனக்கு பிடிச்சிருந்தது (atlast). சோகம், துக்கம், மெசேஜ் எதுவும் கெடையாது. Just it is two days of two hitman.

ரொம்பப் பிடிச்சது டைட்டிலில் வரும் டிக் டேலின்ட் ம்யூஸிக். நீங்களும் கேளுங்களேன். ஆனாலும் சில கோரங்களும் உள்ளன. வின்சென்ட்வேகா மார்வினை காரில் தவறுதலாக சுடுதல். அப்புறம் போதை ஊசி போடுவது (WTF ?).

Posted in உருப்படாதது. Comments Off on உருப்படாதது 5/8/2007.

உருப்படாதது – 28/08/2007.

அழகிய ஆபத்து.
போன வாரம் நடந்த மிஸ்.டீன் யூ.எஸ்.ஏ என்ற போட்டியில் கலந்து கொண்ட சவுத் கரோலினா அழகி சொல்லும் முக்கிய கருத்தை கேளுங்கள்.

புரியாதவர்கள் கீழே படிக்கவும்.

I personally believe that US Americans are unable to do so because, uh,
some… people out there in out nation don’t have maps, and, uh, I believe
that our education like such as South Africa and, uh, the Iraq everywhere
like, such as and … I believe that they should, our education over here in
the US should help the US, er, should help South Africa and should help the
Iraq and the Asian countries, so we will be able to build up a future for
our children.

கொலை வெறி.
தமிழ் வெறியோடு இருந்த என்னை திடீரென யூடூபாண்டவர் இந்த பாட்டில் கொண்டுவிட்டுவிட்டார். அதிலிருந்து இந்த பாட்டை டெய்லி ஒரு அம்பது தடவையாவது கேக்குறேன். சோ நைஸ். அர்த்தம் தான் புரியல.

நாட்டுக்கு முக்கியம்.
குமுதம் லைட்ஸ் ஆன் பகுதிக்கு செய்தி சேகரிக்கும் நபர் ஒருவர் நண்பரானார். அவர் சொன்ன செய்திகள் இவை.,

அட்டகாசம்.
சிவாஜி ராவ் கெய்க்வார்ட் என்ற நடிகர் தமிழ் சினிமாவில் பீலா விட்டுக் கொண்டு இருப்பது அறிந்ததே. இந்திய நதி நீர் இணைப்புக்கு அவர் ஒரு கோடி ரூபாய் தராமல் டிமிக்கி கொடுத்ததால் அந்தத் திட்டமே கைவிடப்பட்டது. தமிழ் இணைய கில்லாடிகள் சிலர் அவருக்கு பாடம் புகட்ட திட்டமிட்டுள்ளனர். மூக்கழக இயக்குனர்/நடிகருடன் கைகோர்த்துள்ள இவர்கள் விரைவில் ஒரு திரைப்படத்தை வெளியிட உள்ளார்கள். மூக்கழகர் தான் இயக்குனர். இணைய கில்லாடி ஒருவரைக் கேட்ட போது.,

“இந்த சிவாஜி ராவ் கெய்க்வார்ட் செய்யுற அட்டகாசம் கொஞ்ச நஞ்சமில்லைங்க. வர்ரேன்கிறாரு ஆனா வரமாட்டாரு. தர்ரேன்கிறாரு ஆன தரமாட்டேன்கிறாரு. ஒண்ணுஞ் செரியில்ல. அவரால தான் இந்த தொழிலே நடக்குற மாதிரி பேசுறாரு. அதனால நாங்க ஒரு படம் எடுத்து அவருக்கு பாடம் புகட்டலாம்னு இருக்கோம். இந்த படத்துல எல்லாருமே புதுமுகம் தான். அனைவரும் தமிழ் இணையத்துல தீவிரமா செயல்படுரவுங்க. தமிழ் மேல உயிரையே வச்சிருக்றவுங்க.

பல புதுமைகள இந்த படத்துல செய்திருக்கறோம். ஹீரோ ஹீரோயின் வயசு வித்தியாசமெல்லாம் நூத்துக் கணக்குல இருக்காது. ஜஸ்ட் நாலே நாலு வயது தான். ஹீரோ தமிழ் இணையத்துல பிரபலமானவர். அவரை விட நாலு வயசு கம்மியான ஹீரோயினத் தான் புக் பண்ணியிருக்கோம். அப்பதான் இயற்கையா இருக்கும். ஆனா அந்த சிவாஜி ராவ் கெய்க்வார்ட் தன் பேத்தி வயதுள்ள பெண்களோடு நடிக்கறார்.

படத்தோட பட்ஜட் பத்து லட்சம் தான். நடிகர்கள் இலவசமாவே நடித்து தர்றாங்க. டெக்னீசியன்ஸ் எல்லாமே தமிழ் இணையத்துல இருக்கறவுங்க தான். உலகம் முழுவதும் தமிழர்கள் இருப்பதால் பலர் எங்க நாட்டுல இலவசமா சூட்டிங் நடத்துங்கனு ஆர்வமா இருக்காங்க. இது வரைக்கும் 30 லட்சம் டிக்கெட் வித்திருக்கு. ஒரு டிக்கெட் பத்து டாலர்கள். இது இந்திய திரைப்பட வரலாற்றில் ஒரு மைல் கல். இது வரை நடக்காத சாதனை. படத்த தியேட்டர்ல போய் பாக்க முடியாது. இணையத்துல தான் பாக்க முடியும்.

இந்தப் படம் வந்ததும் சிவாஜி ராவ் கெய்க்வார்ட் எனக்கு சினிமாவே வேண்டாமுனு தமிழ்நாட்ட விட்டு ஓடப் போவது நிச்சயம்.”

சும்மா அதிருதில்ல.

மினி பிட்ஸ்.

  • தமிழ் வளர்ச்சிக்காக பாடுபடுபவருக்கு கொடுக்கப்படும் விருது இந்த வருடம் தொலைக்காட்சி தொகுப்பாளினி திவ்யதர்ஷிணிக்கு வழங்கப்பட இருக்கிறது. (சிறுவர்கள் அவரது குளோசப் முகத்தைப் பார்த்து அலறுவதால் கார்னியர் ப்ரூட்டிஸ் நிறுவனமே அவரது முகத்தை இலவசமாக செம்மைப்படுத்த முன்வந்துள்ளது.)
  • சோகம் நிறைந்த தமிழர் வாழ்வில் கிச்சு கிச்சு மூட்டும் பாஸ்கி மற்றும் ஒய்.ஜி.மகேந்திரா இருவரும், இரவு பகலாக ப்ளேபாய் ஜோக்ஸ், ப்ளான்ட் ஜோக்ஸ், லெட்டர் டூ பென்ட் ஹவுஸ் போன்ற புத்தகங்களை மனப்பாடம் பண்ணிவருகிறார்களாம். (சீக்கிரமா அந்த மெக்ஸிகோ சலவைக்காரி ஜோக் சொல்லுங்க பாஸ்).
  • தொலைக்காட்சி தொகுப்பாளர் சேதுவை அமேரிக்காவிலிருக்கும் “Girls Gone Wild” நிறுவனம் ஒப்பந்தம் செய்யவுள்ளது. “கண்ணியமாகப் பேசும் அவர் எங்கள் நிகழ்ச்சியும் தொகுக்க வேண்டும் என்பதே எங்கள் ஆசை” என்று அந்நிறுவனத்தார் கூறுகின்றனர். (வீட்டுல புல் மீல்ஸைக் கண்ணுல காமிச்சிட்டு, குழம்பு சாதத்தோட தொரத்தி விட்டுர்றாங்களாம்.)
  • தமிழக கல்வி அமைச்சகம், தொலைக்காட்சித் தொடரான “கனாக் காணும் காலங்கள்”ஐ பாடத்திட்டத்தில் சேர்த்துள்ளது. “இந்த தொடரைப் பார்க்கும் மாணவர்கள் படிப்பில் அதிக மதிப்பெண்கள் எடுப்பதோடு, வாழ்கையில் சிறந்த நிலையை அடைகிறார்கள். அதனால் தான் இதைக் கட்டாய பாடத்திட்டதில் சேர்த்துள்ளோம். க.கா.கா பீரியடில் அனைத்து வகுப்பறையிலும் க.கா.கா காண்பிக்கப்படும். அதற்காக அனைத்து பள்ளிலும் இலவச வண்ண தொலைக்காட்சிப் பெட்டிகள் வழங்கப்படும்” என்று தாத்தாஜி கூறியுள்ளார். (அந்த ப்ளஸ் ஒன் மாணவர் எங்க ஹேர் கலரிங் பண்ணுறார் ? அடுத்து மாணவிகளின் டாட்டூ தானே ? )
  • Mensa நிறுவனம் சூர்யா தொடரை நிறுத்தியதால் சூர்ய தொலைக்காட்சி மேல் வழக்கு தொடுக்கவுள்ளது. “பல பெண்மணிகளின் IQ 200க்கு மேல் தாண்டுவதற்கு காரணமே சூர்யா தொடர் தான். அதை நிறுத்தியது வேதனைக்குரியது. அதை மீண்டும் ஆரம்பிக்க வேண்டும்” என்று Mensa நிறுவனம் கூறுகிறது. (இந்து ப்ளைட் ஆச்சிடண்டில் சாகாமல் தப்பித்து வருகின்றார். இது தான் சூர்யா-2 வின் கதை. )
  • சூர்யா தொடரை நிறுத்தியது போல் ஆனந்தம், கோலங்கள் போன்றவையும் நிறுத்தப்படும் என்ற வதந்தி பரவியது. இதனால் தமிழமே கொதித்துப் போயுள்ளது. நான்கு, ஐந்து வயது சிறுவர் சிறுமியர் சூர்ய தொலைக்காட்சி முன்னர் தர்ணா செய்யவுள்ளனர். “நாங்க பிறக்கும் போதே ஆனந்தம், கோலங்கள் பாத்து தான் பிறந்தோம். நாங்க இருக்கும் வரை அதைப் பார்த்துக் கொண்டேதான் இருப்போம்.” என்று கோபாவேசமாக கூறுகின்றனர். (ஜென்மச்சனி விடாதுங்கோ !! )
Posted in உருப்படாதது. Comments Off on உருப்படாதது – 28/08/2007.

உருப்படாதது – 7/8/2007.

நன்றி நவிலல்.

ஒரு வழியா யூடியூபில் மக்கள் வருகை இரண்டு லட்சத்து ஐம்பதாயிரத்ததை இன்னைக்கு தாண்டிருச்சி. அதனால ஒரு நன்றிப் பதிவு. நன்றிப் பதிவு போடலேனா சாமி கண்ணக் குத்திருமாம்ல. தமிழ் இணைய தர்மத்தை மீற முடியுமா.

– யூடியூப கண்டுபுடிச்ச Chad Hurley, Steve Chen and Jawed Karim,
– யூடியூப யானை விலை கொடுத்து வாங்கிய கூகிளின் Larry Page and Sergey Brin,
– எனக்கு இன்ஸ்பிரேசனான அருமையான தமிழ் பாடல் தொகுப்பை வைத்திருக்கும் பழனிக்குமார், விஜயகுமார், மற்றும் செந்தில்,
– டெக்கினிக்கல் உதவி செய்த விடியோ ஹெல்ப் வலை தளம். )
– ரெண்டு லட்சக்கணக்கான ரசிகர்கள்.

போன்றவர்களுக்கு எனது நன்றி.

இந்த பொன்னான தருணத்தில் தினமலர், தினமணி, தினதந்தி, குமுதம், ஆ.வி, இன்னபிற பத்திக்கைகளிலிருந்து பேட்டி எடுத்தார்கள். அதிலிருந்து ஒரு சின்ன தொகுப்பு.,

கே : இந்த துறையில் நுழையனும்னு எப்படி தோணிச்சு ?
ப     : பிறந்ததிலேயிருந்தே ஒரு கலை தாகத்தோட தான் இருந்தேன். யூடியூப்ல நொழஞ்சது தற்செயலான விஷயமில்லை அது காலத்தின் கட்டாயம்.

கே : யூடியூப் இல்லாட்டி இந்நேரம் என்னவா ஆகியிருப்பீங்க ?
ப     : ஓப்பி அடிக்காத நல்ல சாப்ட்வேர் இஞ்ஜினியரா இல்ல ஒரு டாக்டரா ஆகியிருப்பேன்.

கே : ஏன் பாடல்களையே எடுக்கறீங்க, ஏன் படங்களை எடுக்கறதில்லை ?
ப     : பாடல்கள் தான் என் கலை தாகத்தை தணிக்குது. படம் எடுக்கறதுன்னா சிரமமான வேலை. கதை, திரைக்கதை அப்பிடி இப்படின்னு ஒரே தலைவலி. ரீலீசானா படம் ஓடுமா ஓடாதானு வேற தெரியாது. புதுப் படம்னா கண்டிப்பா உள்ள வச்சிருவாங்க. பாடல்கள் தான் வசதி. அஞ்சி நிமிஷம் தான். நடிகர்களின் கால்ஷீட் ஈசியா கெடைக்கிது.

கே : கருப்பு வெள்ளைப் பாடல்கள் தேவையா ? அத இப்ப யாரு பாக்கறாங்க ?
ப     : எல்லாரும் ஒரு காலத்துல சின்ன பசங்களா இருந்து தான் இப்போ பெரிசா ஆயிருக்கோம். அதுக்காக சின்ன வயச மறக்க முடியுமா ? அது போலத்தான் பாடல்கள்ங்றது கருப்பு வெள்ளை, ஈஸ்ட் மேன் கலர், வண்ணம் இப்படீன்னு பல படிக்கட்டுகளைத் தாண்டி வந்திருக்கு. வண்ணம் வந்திருச்சுனு கருப்பு வெள்ளைய மறக்கக்கூடாது. மேலும் டமில் நாட்டுல இப்போ வரும் சந்ததியினருக்கு யாருக்குமே டமில் மொலின்னா என்னான்னு தெரியல. அவுங்கள்ளாம் எதிர்காலத்துல டமில்னா என்னனு தெரிய இது ஒரு வாய்ப்பா இருக்கும்.

கே : ஏன் தமிழ்ப் பாடல்களே எடுக்கறீங்க. வேற்று மொழி பாடல்களை எடுக்கும் எண்ணம் இருக்குதா ?
ப     : டமில் எனது தாய் மொலி. நான் ஒரு டமில் மொலி வெரியன். அதுக்குத்தான் முதலிடம். மேலும் பிற மொழிகள்ல பலத்த போட்டி இருக்குது.

கே : யூடியூபுல தமிழ் இயக்குனர்களிடம் என்ன வகையான போட்டிகள் இருக்குது ?
ப     : இங்கையும் பைரசி பரவிருச்சி. எப்போ பாட்ட ரிலீஸ் பண்ணுவாங்க அத எப்போ சுட்டு காசாக்குவோம்னு ஒரு கூட்டமே இருக்கு. அதத் தவிர மற்ற ஒரிஜினல் இயக்குனர்கள் தான் உண்டு தங்கள் வேலை உண்டுனு இருக்காங்க.

கே : உங்களுக்குனு ஒரு திரட்டி உருவாக்கும் எண்ணம் இருக்கா ?
ப     : அடி வாங்க வைக்கனும்னு முடிவோட இருக்கீங்களா ?

கே : உங்க எதிர்கால திட்டம் என்ன ?
ப     : இந்தக் கலை என்னோடவே போயிறக் கூடாது, அதை பலருக்கும் தெரிவிக்கனும்னு தோணிச்சி. அதுக்காக நம்ம “இலவச” தாத்தாஜியப் போய்ப் பாத்தேன். அவர் எனது சாதனைகளையெல்லாம் பாராட்டி, ஏன் நீங்க ஒரு இலவசக் கல்வி நிறுவனம் ஆரம்பிக்கக்கூடாதுனு சொன்னார். அதுக்காக அண்ணா பல்கலைக்கழக வளாகத்திலையே மூன்று ஏக்கர் நிலம் ஒதுக்கித் தந்துள்ளார்.
கூடிய விரைவில் அங்கே “தமிழ்நாடு யூடியூப் அறிவியல் பல்கலைக்கழகம்”னு ஆரம்பிக்கப்போறோம். அங்கே அனைவருக்கும் இலவசமாக கற்றுத்தரப்படும்.

கே : அங்க இட ஒதுக்கீடு உண்டா ?
ப     : கண்டிப்பா. எல்லாருக்கும் தனித் தனி இருக்கைகள் உண்டு. வேணும்னா கணவர்கள், மனைவிகளுக்கு தங்கள் மடியில் இட ஒதுக்கீடு தந்து உட்கார வச்சிக்கலாம்.

கே : பல்கலைக்கழகத்துல என்னன்ன கற்றுத் தரப்படும் ?
ப     : இன்னும் எதுவும் முடிவாகவில்லை. பல்வேறு யோசனைகள் இருக்கு. சில அடிப்படைப் பாடங்கள் கண்டிப்பாயிருக்கும்.,

– காமெரா : வகைகள், யூடியூபிற்கு சிறந்தது Arriflex or Panavision ?
– எடிட்டிங் : ஏவிட் எக்ஸ்பிரஸ் பயன்படுத்துவது எப்படி ?
– ஆடியோ : கம்போசிங் செய்வது எப்படி ? 24 டிராக், 32 டிராக், டால்பி, டிடிஎஸ் etc.,etc.,
– நடனம் அமைப்பது எப்படி ?
– பாடல்கள் எழுதுவது எப்படி ?

இப்படிப் பலப்பல.

கே : நன்றி.
ப     : நன்றி.

பின் குறிப்பு : இவ்வாறு என் மூஞ்சிய நானே கண்ணாடியில பாத்து ரத்தம் வரும்படியாக சொறிஞ்சிக்கிட்டு இருக்கும் வேளையிலே வேறு சில யூடியூப் விடியாக்கள் பற்றி சொல்லியே ஆகணும். தயவு செய்து கமெண்டுகளப் படிச்சிராதீங்க.

“Little Superstar” : 65 லட்சம் பார்வைகள்.
Crazy Indian Music Video : 48 லட்சம் பார்வைகள்.
இதெல்லாம் ஒரு விடியோவின் பார்வைகள். நான் சொறிஞ்சிக்கிறது 200 சொச்ச விடியோக்களின் பார்வைகள்.

Posted in உருப்படாதது. Comments Off on உருப்படாதது – 7/8/2007.
%d bloggers like this: